Einar Björn Árnason er fæddur og uppalinn í Vestmannaeyjum þar sem hann hefur komið sér fyrir í Höllinni, með veisluþjónustuna „Einsa kalda“ og með veitingastað undir sama nafni á hótel Vestmannaeyjar. Veitingastaðurinn tekur um 90 manns í sæti. Í eldamennskunni finnst Einsa mest gaman að töfra fram ljúffenga sjávarrétti og fyrir það er hann rómaður. Þessi áhugi hans ætti kannski ekki að koma á óvart, þar sem nálægðin við fengsæl fiskimið gera honum kleift að fá spriklandi ferskan fisk daglega. Hann leggur reyndar almennt mikið upp úr því að nota staðbundið hráefni.

Á Einsa Kalda er eitthvað fyrir alla, ferskur fiskur, steikur, léttir réttir og grænmetisréttir. Við tökum vel á móti þér og þínum.