Dineout | Bergssson RE Veislusalur

Bergsson RE veislusalur er með fallegu útsýni yfir Reykjavíkurhöfn. Salurinn er á Grandagarði í húsi Sjávarklasans, í miðbæ Reykjavíkur. Salurinn tekur um 120 manns í sæti og fleiri í standandi veislur og móttökur. Mögulegt er að raða upp borðum á ýmsan hátt eftir fjölda og tilefni. Meðfram veggjum eru þægilegir sófar og hægindastólar og hönnun á innréttingum og ljósum gefa salnum spennandi yfirbragð. Hafnarmeginn eru svalir sem eru að hluta til yfirbyggðar. Þar geta veislugestir notið útsýnis yfir höfnina og andað að sér fersku sjávarloftinu.

Í salnum er falleg birta, góð lýsing og hljóðkerfi fyrir tal og tónlist.Matreiðslumenn Bergsson RE bjóða uppá fjölbreyttan matseðil fyrir hópa allt frá léttum pinnamat yfir í margrétta hátíðar kvöldverð. Einnig er boðið uppá kaffihlaðborð ef að þess er óskað.

Framreiðsla á mat og drykk er serstaklega skemmtileg í salnum þar sem stór framreiðsluborð og bar e fyrir miðju salarins.

Á hæðinni eru einnig 8 fundar- og vinnuherbergi á vegum Sjávarklasans.