Dineout | Sjónarhóll veislusalur

Sjónarhóll er glæsilegur veislusalur í Kaplakrika. Salurinn tekur 280 manns í sæti en hægt er að skipta honum niður í tvær einingar. Minni salurinn tekur þá 100 manns í sæti og sá stærri 150 manns. Rúmgott og fullbúið eldhús er við veislusalinn, leirtau fyrir 300 manns, kæliskápar, klakavél, uppþvottvél, matarofn o.fl. Salurinn er afar bjartur og fallegur en í salnum eru mjög stórir gluggar sem snúa í norður, hægt er að draga fyrir gluggana en fallegar svartar gardínur eru í salnum. Stórt móttöku rými er fyrir framan veislusalinn, tilvalið t.d. í fordrykki. Við veislusalinn er einnig stór hellulögð verönd sem snýr í norður og í áttina að knattspyrnuvellinum. Á fallegum sumardögum er hægt að njóta kvöldsólarinnar á veröndinni og færa veisluna út fyrir. Leigutakar fá salinn afhentan samdægurs, ef óskað er eftir því fá salinn deginum áður þarf að greiða aukagjald vegna þess. Greiða þarf fyrir umsjónarmann sem fylgir salnum og aðstoðar hún við uppröðun og frágang. Leigutakar sjá samt um gróf þrif á salnum eftir veislu. Til staðar er fullkomið hljóðkerfi og skjávarpi og leigist það með tækjapakkanum en hann inniheldur, skjávarpa, þráðlausan hljóðnema, tölvu eða stóra RCF hátalara frá Exton. Að auki í pakkanum er svið (2,5m x 3,75m) og háborð (2,25m x 5m) í boði. Tækjapakkinn leigist á 10.000 kr.